நீங்கள் தேடியது "முரளி விஜய்"

இந்தூர்:

சையத் முஸ்தாக் அலி கோப்பைக்கான டி20 தொடரின் முதல் சுற்று போட்டிகள் இந்தியாவின் பல்வேறு நகரங்களில் தொடங்கி நடைபெற்று வருகின்றன. இதில் இந்தூரில் நேற்று நடைபெற்ற ஆட்டத்தில் மும்பை-சிக்கிம் அணிகள் மோதின. இப்போட்டியில் டாஸ் வென்ற மும்பை கேப்டன் ரகானே, முதலில் பேட் செய்ய முடிவு செய்தார். அதன்படி களமிறங்கிய மும்பை அணி, நிர்ணயிக்கப்பட்ட 20 ஓவர் முடிவில் 4 விக்கெட் இழப்பிற்கு 258 ரன்கள் குவித்தது.

ஸ்ரேயாஸ் அய்யர் 55 பந்துகளை எதிர்கொண்டு 15 சிக்சர்கள், 7 பவுண்டரிகளுடன் 147 ரன்கள் விளாசினார். இதன் மூலம் உள்ளூர் போட்டி மற்றும் சர்வதேச டி20 போட்டிகளில் அதிக ரன்கள் குவித்த இந்திய வீரர் என்ற சாதனை படைத்தார்.  இதற்கு முன் ரிஷப் பந்த், ஐபிஎல் போட்டியில் கடந்த ஆண்டு, சன்ரைசர்ஸ் அணிக்கு எதிராக 128 ரன்கள் குவித்ததே சாதனையாக இருந்தது.

இதுதவிர டி20 போட்டியில் ஒரு இன்னிங்சில் அதிக சிக்சர் அடித்த இந்திய வீரர் என்ற சாதனையையும் ஸ்ரேயாஸ் அய்யர் (15 சிக்சர்கள்) எட்டினார். இதற்கு முன் முரளி விஜய் ஒரு இன்னிங்சில் 11 சிக்சர்கள் அடித்ததே சாதனையாக இருந்தது. #SyedMushtaqAliTrophy #ShreyasIyer

இந்திய கிரிக்கெட் அணி ஆஸ்திரேலியாவில் சுற்றுப் பயணம் செய்து விளையாடி வருகிறது. 4 போட்டிகள் கொண்ட டெஸ்ட் தொடரில் அடிலெய்டில் நடந்த முதல் டெஸ்டில் இந்தியாவும், பெர்த்தில் நடந்த 2-வது டெஸ்டில் ஆஸ்திரேலியாவும் வெற்றி பெற்றன. இதனால் தொடர் 1-1 என்ற கணக்கில் சமநிலையில் உள்ளது. 3-வது டெஸ்ட் போட்டி வருகிற 26-ந்தேதி மெல்போர்ன் நகரில் தொடங்குகிறது.

கடந்த 2 டெஸ்ட் போட்டிகளில் இந்தியாவின் தொடக்க வீரர்களாக முரளி விஜய், லோகேஷ் ராகுல் களம் இறங்கினார்கள். ஆனால் அவர்கள் சிறப்பான பங்களிப்பை அளிக்கவில்லை. இதில் லோகேஷ் ராகுலின் ஆட்டம் மிகவும் மோசமாக உள்ளது. இதனால் இந்திய தொடக்க ஜோடியை மாற்ற வேண்டும் என்று பல தரப்பினர் கருத்து தெரிவித்து இருந்தனர்.

முன்னாள் வீரர் மஞ்ச்ரேக்கர் கூறும்போது, லோகேஷ் ராகுலை நீக்கி விட்டு விஹாரியை தொடக்க வீரராக களம் இறக்க வேண்டும் என்று தெரிவித்தார். சிலர் முரளி விஜயை நீக்க வேண்டும் என்று வலியுறுத்தி வருகின்றனர்.

இதற்கிடையில் காயம் காரணமாக விலகிய பிரித்வி ஷாவிற்குப் பதில் அணியில் சேர்க்கப்பட்டுள்ள புதுமுக வீரர் மயாங்க் அகர்வாலும் தொடக்க வீரர் போட்டியில் உள்ளார். பாக்சிங் டே டெஸ்டில் மயாங்க் அகர்வால் இடம்பிடிக்க வாய்ப்புள்ளதாக நம்பப்படுகிறது.

இதற்கிடையே இந்திய அணியின் பயிற்சியாளர் ரவி சாஸ்திரி அளித்த பேட்டியில் கூறியிருப்பதாவது:-

இந்திய தொடக்க ஜோடி ரன் குவிக்க சிரமப்பட்டு வருவதில் மிகவும் அக்கறை செலுத்த வேண்டும். டாப்ஆர்டர் வரிசையில் களம் இறங்கும் வீரர்கள் பொறுப்பை உணர்ந்து விளையாட வேண்டும். முரளி விஜய், லோகேஸ் ராகுல் அனுபவம் வாய்ந்த வீரர்கள்.

கடந்த சில ஆண்டுகளாக பொறுப்பான ஆட்டத்தை வெளிப்படுத்தி வந்துள்ளனர். தற்போது அவர்கள் எவ்வளவு மனஉறுதியுடன் உள்ளனர் என்பதை கவனத்தில் கொள்ள வேண்டும்.

விக்கெட் விழும்போது விராட் கோலி மகிழ்ச்சியை வெளிப்படுத்துவதில் என்ன தவறு இருக்கிறது? அவர் ஒரு ஜென்டில்மேன்.

அடிலெய்டில் பெற்ற வெற்றியால் அதிக நம்பிக்கையால் பெர்த் டெஸ்டில் விளையாடினோம் என்று கூறுவது தவறு. அந்த டெஸ்டில் எங்களுக்கு வெற்றிபெற வாய்ப்பு இருந்தது. தற்போது தொடர் 1-1 என்ற கணக்கில் சமநிலையில் உள்ளது. எங்களது வீரர்களுக்கு என்ன செய்ய வேண்டும் என்பது தெரியும். அதற்கான தகுதி, திறமை அவர்களிடம் உள்ளது. காயம் அடைந்த அஸ்வின் குணம் அடைந்து வருகிறார். அவரை தீவிரமாக கண்காணித்து வருகிறோம்.

இவ்வாறு அவர் கூறினார்.

இந்திய டெஸ்ட் அணியின் தொடக்க பேட்ஸ்மேனாக களம் இறங்கி விளையாடி வந்தவர் முரளி விஜய். தென்ஆப்பிரிக்கா தொடரிலும், இங்கிலாந்து தொடரிலும் மோசமான ஆட்டத்தை வெளிப்படுத்தியதால் அணியில் இருந்து நீக்கப்பட்டார். இந்தியாவில் நடைபெற்ற வெஸ்ட் இண்டீஸ்க்கு எதிரான தொடரில் அவர் இடம்பெறவில்லை.

அதேவேளையில் கவுன்ட்டி கிரிக்கெட்டில் விளையாடினார். கவுன்ட்டியில் அபாரமான ஆட்டத்தை வெளிப்படுத்தினார். இதனால் ஆஸ்திரேலியாவிற்கு எதிரான நான்கு போட்டிகள் கொண்ட டெஸ்ட் தொடரிவில் விளையாடும் இந்திய அணியில் இடம்பிடித்தார்.

அடிலெய்டில் முதல் டெஸ்ட் வருகிற 6-ந்தேதி தொடங்குகிறது. இதற்கு முன் கிரிக்கெட் ஆஸ்திரேலியா லெவன் அணிக்கெதிராக நான்கு நாட்கள் கொண்ட பயிற்சி ஆட்டத்தில் இந்தியா மோதிய, இந்த ஆட்டம் நவம்பர் 28-ந்தேதி முதல் டிசம்பர் 1-ந்தேதி (நேற்று) வரை நடைபெற்றது.

ஏற்கனவே வெஸ்ட் இண்டீஸ் தொடரில் களம் இறங்கிய பிரித்வி ஷா, லோகேஷ் ராகுல் ஆகியோரைத்தான் இந்திய அணி நிர்வாகம் தொடக்க வீரர்களாக களம் இறக்க முடிவு செய்தது. இதனால் முதல் இன்னிங்சில் முரளி விஜய்க்கு பேட்டிங் வாய்ப்பு கிடைக்கவில்லை. பிரித்வி ஷா 69 பந்தில் 66 ரன்கள் சேர்த்தார். லோகேஷ் ராகுல் 3 ரன்னில் ஆட்டமிழந்தார்.



இந்தியா பீல்டிங் செய்யும்போது பிரித்வி ஷாவிற்கு காயம் ஏற்பட்டது. இதனால் 2-வது இன்னிங்சில் லோகேஷ் ராகுல் உடன் முரளி விஜய் தொடக்க பேட்ஸ்மேனாக களம் இறங்கினார். இருவரும் சிறப்பான ஆட்டத்தை வெளிப்படுத்தினார்கள். லோகேஷ் ராகுல் 62 ரன்கள் சேர்த்தார். முரளி விஜய் அபாரமான ஆட்டத்தை வெளிப்படுத்தி 132 பந்தில் 129 ரன்கள் குவித்தார்.

காயம் அடைந்த பிரித்வி ஷா முதல் டெஸ்டில் விளையாடமாட்டார் என்று தெரிவிக்கப்பட்டுள்ளது. இதனால் முரளி விஜயா? அல்லது ரோகித் சர்மாவா? என்ற கேள்வி எழுந்து வந்தது. இந்நிலையில் 2-வது இன்னிங்ஸ் சதத்தால் முரளி விஜய்  தொடக்க பேட்ஸ்மேனாக விளையாட அதிக வாய்ப்புள்ளது.

ஆஸ்திரேலியா - இந்தியா இடையிலான நான்கு போட்டிகள் கொண்ட டெஸ்ட் தொடர் வருகிற 6-ந்தேதி தொடங்குகிறது. இந்த முறை ஆஸ்திரேலியா மண்ணில் இந்தியா டெஸ்ட் தொடரை கைப்பற்றவில்லை எனில், இதற்குப்பிறகு வாய்ப்பே கிடைக்காது என்று கூறப்படுகிறது.

இந்திய அணியில் லோகேஷ் ராகுல், பிரித்வி ஷா மற்றும் முரளி விஜய் ஆகிய தொடக்க பேட்ஸ்மேன்கள் உள்ளனர். இவர்களில் இருவருக்குத்தான் ஆடும் லெவனில் இடம் கிடைக்கும். இந்நிலையில் லோகேஷ் ராகுல் மற்றும் பிரித்வி ஷா ஆகியோரைத்தான் தொடர் முழுவதும் தொடக்க பேட்ஸ்மேன்களாக களம் இறக்க வேண்டும்என்று முன்னாள் அதிரடி வீரர் சேவாக் தெரிவித்துள்ளார்.

இதுகுறித்து சேவாக் கூறுகையில் ‘‘நான் கேப்டனாக இருந்தால் கேஎல் ராகுல் மற்றும பிரித்வி ஷா ஆகியோருக்கு தொடர் முழுவதும் தொடக்க வீரர்களாக களம் இறங்க வாய்ப்பு கொடுப்பேன். ஏனென்றால், முரளி விஜய் போதுமான அளவு வாய்ப்பு பெற்றுவிட்டார். தற்போது அவர் மீண்டும் வாய்ப்பு பெற காத்திருக்க வேண்டும்.



பிரித்வி ஷா அவரது திறமையை நிரூபித்திருக்கிறார். அறிமுக டெஸ்டில் சதமும், அடுத்த போட்டியில் 60 ரன்களுக்கு மேலும் அடித்துள்ளார். அதனால் அவருக்கு எதிர்காலம் இருக்கிறது. அவரால் அடுத்த 10 முதல் 12 வருடங்கள் வரை விளையாட முடியும். அதனால் அவருக்கு தொடர் முழுவதும் வாய்ப்பு கொடுக்கப்பட வேண்டும். ஆஸ்திரேலியா தொடரில் முரளி விஜய் களம் இறங்குவார் என்று நான் பார்க்கவில்லை’’ என்றார்.

இந்திய அணி மூன்று வகை கிரிக்கெட் தொடரிலும் விளையாடுவதற்காக ஆஸ்திரேலியா சென்றுள்ளது. நாளை டி20 தொடர் தொடங்குகிறது. அதன்பின் டெஸ்ட் போட்டி டிசம்பர் 6-ந்தேதி அடிலெய்டில் தொடங்குகிறது. 2-வது போட்டி 14-ந்தேதி பெர்த்திலும், 3-வது ஆட்டம் மெல்போர்னில் 26-ந்தேதியும், 4-வது மற்றும் கடைசி டெஸ்ட் சிட்னியில் ஜனவரி 3-ந்தேதியும் நடக்கிறது.

டி20 அணியில் இடம்பெறாத டெஸ்ட் பேட்ஸ்மேன்கள் நியூசிலாந்து ‘ஏ’ அணிக்கெதிரான டெஸ்ட் ஆட்டத்தில் விளையாடினார்கள். இவர்கள் தற்போது சிட்னி வந்துள்ளனர். டி20 போட்டி நாளை தொடங்கினாலும், டெஸ்ட் போட்டியில் சிறப்பாக விளையாட வேண்டும் என்பதற்காக அவர்கள் ஐந்து நாட்கள் வலைப்பயிற்சியில் ஈடுபட இருக்கிறார்கள்.



அவர்களுக்கு பயிற்சி அளிப்பதற்காக சஞ்சய் பாங்கர் சிட்னி செல்கிறார். பிரித்வி ஷா, ஹனுமா விஹாரி போன்றோருக்கு பாங்கர் பயிற்சி அளிக்க இருக்கிறார்.

இங்கிலாந்து - இந்தியா இடையில் ஐந்து போட்டிகள் கொண்ட டெஸ்ட் கிரிக்கெட் தொடர் நடைபெற்றது. இதில் இங்கிலாந்து 4-1 என வெற்றி பெற்றது. முதல் இரண்டு போட்டியில் விளையாடிய தொடக்க வீரர் முரளி விஜய்  20,0,6,0 என சொற்ப ரன்களில் ஆட்டமிழந்தார்.

இதனால் 3-வது டெஸ்டில் இருந்து இடம்பெறவில்லை. 4-வது மற்றும் 5-வது டெஸ்டிற்கான இந்திய அணியில் இருந்து அதிரடியாக நீக்கப்பட்டார். அதன்பின் கவுன்ட்டி போட்டியில சசக்ஸ் அணிக்காக விளையாடினார். சசக்ஸ் அணிக்காக 56, 100, 85, 80 மற்றும் 2 என அசத்தினார்.

இதனால் ஆஸ்திரேலியா தொடருக்கான நான்கு போட்டிகள் டெஸ்டிற்கான இந்திய அணியில் இடம்பிடித்துள்ளார். இந்திய அணியில் இடம் பிடிப்பதற்கான கவுன்ட்டி போட்டியில் விளையாடவில்லை என்று முரளி விஜய் தெரிவி்த்துள்ளார்.



இதுகுறித்து முரளி விஜய் கூறுகையில் ‘‘நான் என்மீது நம்பிக்கை வைத்திருக்க வேண்டும் என்பதுதான் முக்கியமான விஷயம். மீண்டும் இந்திய அணிக்கு திரும்ப வேண்டும் என்பதற்காக கவுன்ட்டி கிரிக்கெட் விளையாடவில்லை.

கவுன்ட்டி போட்டியில் விளையாட இதுதான் சரியான நேரம் என்று நினைத்தேன். இதனால் கவுன்ட்டி கிரிக்கெட்டில் விளையாடினேன். சிறப்பாக விளையாடினால், இந்திய அணியில் தானாக இடம் கிடைக்கும்’’  என்றார்.

விராட் கோலி தலைமையிலான இந்திய கிரிக்கெட் அணி தற்போது உள்ளூரில் வெஸ்ட் இண்டீஸ்டன் விளையாடி வருகிறது. 2 போட்டிகள் கொண்ட டெஸ்ட் தொடரை இந்தியா 2-0 என்ற கணக்கில் கைப்பற்றியது. அடுத்து 5 ஒருநாள் போட்டி மற்றும் மூன்று 20 ஓவரில் விளையாடுகிறது. நவம்பர் 11-ந்தேதியுடன் வெஸ்ட் இண்டீஸ் தொடர் முடிகிறது.

அதைத்தொடர்ந்து இந்திய அணி ஆஸ்திரேலியா சென்று மூன்று 20 ஓவர், 4 டெஸ்ட் மற்றும் 3 ஒருநாள் போட்டிகளில் விளையாடுகிறது. நவம்பர் 21-ந்தேதி முதல் ஜனவரி 18-ந்தேதி வரை ஆஸ்திரேலியாவில் ஆடுகிறது.

முதலில் 20 ஓவர் போட்டியும், பின்னர் டெஸ்டும் நடக்கிறது. டெஸ்ட் தொடர் டிசம்பர் 6-ந்தேதி அடிலெய்டுவில் தொடங்குகிறது.

சொந்த மண்ணில் டெஸ்டில் சிறப்பாக விளையாடும் இந்திய அணியால் வெளிநாடுகளில் சாதிக்க முடியவில்லை. தென் ஆப்பிரிக்கா, இங்கிலாந்து சுற்றுப் பயணத்தில் ஏமாற்றமே மிஞ்சியது.

சொந்த மண்ணில் தொடர்ச்சியாக 10 டெஸ்ட் தொடரை கைப்பற்றிய இந்திய அணி ஆஸ்திரேலிய பயணத்தில் திறமையை வெளிப்படுத்துமா? என்று ஆவலுடன் எதிர்பார்க்கப்படுகிறது.

இதற்கு ஏற்ற வகையில் வீரர்களை தேர்வு செய்ய வேண்டிய நிலை தேர்வு குழுவுக்கு இருக்கிறது. 17 பேர் கொண்ட வீரர்கள் பட்டியல் டெஸ்ட் தொடருக்கு தேர்வு செய்யப்படும்.

இந்திய அணியில் லோகேஷ் ராகுல், பிரித்வி ஷா ஆகியோர் தொடக்க பேட்ஸ்மேன் வரிசையில் தயாராக இருக்கிறார்கள். வெளிநாட்டு தொடருக்குச் செல்லும்போது மாற்று தொடக்க பேட்ஸ்மேனுடன் செல்ல வேண்டும். அதேபோல் விக்கெட் கீப்பருக்கு ரிஷப் பந்த் உள்ளார். அவருக்கும் மாற்று நபர் தேவை.

இதனால் 3-வது தொடக்க வீரர் யார்? 2-வது விக்கெட் யார்? என்பதை இந்திய அணி நிர்வாகமும், தேர்வு குழுவும் முடிவு செய்யும். இது தொடர்பாக தேர்வு குழு தீவிரமாக ஆலோசித்து வருகிறது.

வெஸ்ட் இண்டீஸ் தொடரில் மயாங்க் அகர்வால் 3-வது தொடக்க வீரராக இடம் பெற்று இருந்தார். ஆனால் 11 பேர் கொண்ட அணியில் வாய்ப்பு வழங்கப்படவில்லை. வழக்கமாக விளையாடும் தொடக்க வீரர்களான முரளி விஜய்யும், தவானும் கழற்றி விடப்பட்டனர். ஆஸ்திரேலிய பயணத்தில் தவான் இடம் பெற வாய்ப்பு இல்லை. இதனால் 3-வது தொடக்க வீரராக முரளி விஜய் அல்லது அகர்வால் தேர்வு செய்யப்படுவார். முரளி விஜய் தேர்வுக்குழு குறித்து விமர்சனம் செய்திருந்ததால் அவருக்கு இடம் கிடைப்பதில் சிக்கல் ஏற்படலாம்.



அதேவேளையில் தென்ஆப்பிரிக்கா, இங்கிலாந்தில் மோசமாக ஆடினாலும் முரளி விஜய் அனுபவம் வாய்ந்தவர். கவுண்டி போட்டியில் சிறப்பாக ஆடினார். இதனால் முரளி விஜய்க்கு கடைசியாக மீண்டும் வாய்ப்பு கொடுக்கப்படலாம்.

அணியில் முதன்மை விக்கெட் கீப்பராக ரிஷப் பந்த் உள்ளார். 2-வது விக்கெட் கீப்பராக யார் தேர்வு செய்யப்படுவார் என்பது அடுத்த கேள்வியாகும்.

சஹா இன்னும் முழு உடல் தகுதியுடன் இல்லை. இதனால் அவர் ஆஸ்திரேலிய பயணத்தில் இடம் பெறமாட்டார். பார்த்தீவ் பட்டேல், புதுமுக வீரர் பரத் ஆகியோரில் ஒருவர் 2-வது விக்கெட் கீப்பர் இடத்தை பிடிக்க வாய்ப்புள்ளது. பரத் சமீபத்தில் ஆஸ்திரேலிய ‘ஏ’ அணிக்கு எதிரான 4 நாள் ஆட்டத்தில் ‘சதம்’ அடித்து இருந்தார். இதனால் அவருக்கு வாய்ப்பு கிடைக்கலாம் என்ற எதிர்பார்ப்பு இருக்கிறது.

வெஸ்ட் இண்டீஸ்க்கு எதிரான டெஸ்ட் தொடருக்கான இந்திய அணியில் இருந்து நீக்கப்பட்ட முரளி விஜய், கருண் நாயர் ஆகியோர் தேர்வு குழுவினரை விமர்சனம் செய்து இருந்தனர். நீக்கம் தொடர்பாக தேர்வுக்குழு தங்களை தொடர்பு கொள்ளவில்லை என்று இருவரும் குற்றமசாட்டி இருந்தனர். இது தொடர்பாக தேர்வுக்குழு தலைவர் எம்எஸ்கே பிரசாத் விளக்கம் அளித்து இருந்தார்.

இந்த நிலையில் வீரர்கள் மற்றும் தேர்வு குழுவுக்கு இடையே ஏற்பட்டுள்ள தகவல் பரிமாற்ற பிரச்சனை தொடர்பாக இந்திய கிரிக்கெட் கட்டுப்பாட்டு வாரியத்தின் நிர்வாகக்குழு இன்று ஐதராபாத்தில் ஆலோசனை நடத்துகிறது. இந்திய அணியின் பயிற்சியாளர் ரவி சாஸ்திரி, கேப்டன் விராட் கோலி மற்றும் தேர்வுக்குழுவினர் ஆகியோருடன் நிர்வாகக்குழு ஆலோசனை நடத்துகிறது.

கருண் நாயர், முரளி விஜய் ஆகியோர் தேர்வு குழுவினர் மீது கூறிய குற்றச்சாட்டு குறித்து வினோத் ராய் தலைமையிலான நிர்வாக குழு விவாதிக்கிறது. தேர்வு குழுவினரிடம் இதுகுறித்து நிர்வாகக் குழுவினர் கேள்வி எழுப்புவார்கள். அதோடு அணி நிர்வாகத்திடமும் (ரவிசாஸ்திரி, கோலி) விளக்கம் கேட்பார்கள்.



ஆஸ்திரேலியா சுற்றுப் பயணத்துக்கு அணியை தயார் செய்வது தொடர்பாகவும் இந்த கூட்டத்தில் முக்கியமாக ஆலோசிக்கப்படும். கூடுதலான பயிற்சி ஆட்டங்கள் இடம்பெற வேண்டும் என்று அணி நிர்வாகம் கேட்டுக்கொள்ளும். இதேபோல் வீரர்கள் நடத்தை விதிமுறை, ஒப்பந்த விவகாரம் குறித்து விவாதிக்கப்படும்.

தேர்வு குழுவினரை விமர்சனம் செய்ததால் கருண் நாயரும், முரளி விஜய்யும் வீரர்கள் நடத்தை விதிமுறைகளை மீறி உள்ளனர். இது தொடர்பாக அவர்கள் மீது நடவடிக்கை எடுப்பது தொடர்பாகவும் விவாதிக்கப்படும் என்று தெரிகிறது.

வெஸ்ட் இண்டீஸ்க்கு எதிரான டெஸ்ட் தொடருக்கான இந்திய அணியில் இருந்து தமிழகத்தை சேர்ந்த தொடக்க வீரர் முரளி விஜய், மிடில் ஆர்டர் பேட்ஸ்மேன் கருண் நாயர் ஆகியோர் நீக்கப்பட்டனர். இங்கிலாந்தில் மோசமான ஆட்டம் காரணமாக முரளி விஜய் கழற்றி விடப்பட்டார். இங்கிலாந்து தொடரில் வாய்ப்பு கொடுக்காமலேயே கருண் நாயர் நீக்கப்பட்டார்.

அணியில் இருந்து நீக்கப்பட்ட இருவரும் தேர்வு குழுவினர் மீது விமர்சனம் செய்து இருந்தனர். நீக்கம் தொடர்பாக தேர்வு குழுவினர் தங்களை தொடர்பு கொள்ளவில்லை என்று குற்றம்சாட்டி இருந்தனர். தேர்வு கொள்கையையும் விமர்சித்து இருந்தனர். இதற்கு தேர்வு குழு தலைவர் எமஎஸ்கே பிரசாத் விளக்கம் அளித்து இருந்தார்.

இந்த நிலையில தேர்வு குழுவை விமர்சனம் செய்ததால் முரளி விஜய், கருண் நாயர் ஆகியோர் மீது கிரிக்கெட் வாரியம் நடவடிக்கை எடுக்க உள்ளதாக தகவல் வெளியாகி உள்ளது.


கருண் நாயர்

இதுகுறித்து கிரிக்கெட் வாரிய நிர்வாகி ஒருவர் கூறும்போது, “தேர்வு கொள்கைகளை பற்றி பேசியதன் மூலம் முரளி விஜய், கருண் நாயர் ஆகியோர் வீரர்களின் ஒப்பந்தத்தை மீறி விட்டனர்.

இந்திய கிரிக்கெட் வாரிய ஒப்பந்தப்படி முடிந்த தொடர்கள் பற்றிய கருத்துக்களை 30 நாட்களுக்குள் தெரிவிக்கக்கூடாது. ஐதராபாத்தில் வருகிற 11-ந்தேதி நடைபெறும் கிரிக்கெட் வாரிய கூட்டத்தில் இந்த விவகாரம் குறித்து எழுப்பபடும்” என்றார்.

இந்திய டெஸ்ட் அணியின் தொடக்க பேட்ஸ்மேனாக களம் இறங்கியவர் முரளி விஜய். இங்கிலாந்துக்கு எதிரான தொடரில் மோசமான ஆட்டத்தை வெளிப்படுத்தியதால், 3-வது டெஸ்டிற்குப் பிறகு இந்திய அணியில் இருந்து நீக்கப்பட்டார்.

இந்திய அணியில் இருந்து நீக்கப்பட்டதும் கவுன்ட்டி கிரிக்கெட்டில் சசக்ஸ் அணிக்காக விளையாடி முடிவு செய்தார். முதல் முறையாக கவுன்ட்டி போட்டியில் களம் இறங்கிய முரளி விஜய் முதல் போட்டியில் நாட்டிங்காம்ஷைர் அணிக்கெதிரான முதல் இன்னிங்சில் 56 ரன்களும், 2-வது இன்னிங்சில் சதம் (100) அடித்தும் அசத்தினார். 2-வது அட்டத்தில் வொர்செஸ்டர்ஷைர் அணிக்கெதிராக 85 ரன்கள் அடித்தார்.

இந்நிலையில் 3-வது ஆட்டத்தில் சசக்ஸ் அணி சர்ரே அணியை எதிர்கொண்டு விளையாடி வருகிறது. முதலில் பேட்டிங் செய்த சர்ரே 67 ரன்னில் சுருண்டது. பின்னர் சசக்ஸ் அணி முதல் இன்னிங்சை தொடங்கியது. தொடக்க வீரர் பிரவுன் 2 ரன்னில் வெளியேறினார்.



அடுத்து முரளி விஜய் உடன் வெஸ்லே ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. முரளி விஜய் 127 பந்தில் 80 ரன்கள் சேர்த்து ஆட்டமிழந்தார். வெஸ்லே 93 ரன்கள் எடுத்து முதல்நாள் ஆட்டம் முடியும் வரை ஆட்டமிழக்காமல் இருந்தார். எசக்ஸ் அணி முதல் நாள் ஆட்ட முடிவில் 2 விக்கெட் இழப்பிற்கு 197 ரன்கள் சேர்த்துள்ளது.

இங்கிலாந்து தொடரில் மோசமான ஆட்டத்தை வெளிப்படுத்திய முரளி விஜய், கவுன்ட்டி போட்டியில் தொடர்ச்சியாக நான்கு முறை 50-க்கு மேல் ரன்குவித்து அசத்தி வருகிறார்.